Միջազգային գիտաժողովը նպատակ ուներ դիվանագիտական, ակադեմիական, կրթական շրջանակների մեկտեղմամբ քննարկել հայ-չինական մշակութային, գիտակրթական համագործակցության ձեռքբերումները, զարգացման միտումներն ու հեռանկարներին առնչվող հիմնախնդիրները։

Գիտաժողովին մասնակցած պետական գերատեսչությունների, դիվանագիտական, գիտական և կրթական կառույցների ներկայացուցիչները գոհունակությամբ արձանագրեցին գիտության և մշակույթի ոլորտում հայ-չինական փոխգործակցության դրական դինամիկան, ինչպես Հայաստանում Չինաստանի, չինական մշակույթի և լեզվի, այնպես էլ Չինաստանում Հայաստանի, հայկական պատմամշակութային ժառանգության նկատմամբ աճող հետաքրքրությունը։

Գիտաժողովի ելույթներում և ծավալված քննարկումներում մասնակիցներն անդրադարձան նաև երկկողմ հարաբերություններում չիրացված ներուժի ուղղորդման և հասարակությունների միջև համագործակցության տարբեր ձևաչափերի մշակման հնարավորություններին։

Գիտաժողովը լայնորեն լուսաբանվել է հայաստանյան և չինական ԶԼՄ-ներում և կայքերում: Հղումները՝ ստորև.