ՀՀ ԳԱԱ ԱՐԵՎԵԼԱԳԻՏՈՒԹՅԱՆ ԻՆՍՏԻՏՈՒՏ
INSTITUTE OF ORIENTAL STUDIES OF NAS RA
Հարգելի գործընկերներ,
Ս.թ. փետրվարի 21-ին ժամը 14:00-ից 16:00 ՀՀ ԳԱԱ Արևելագիտության ինստիտուտը կազմակերպում է միջազգային աշխատաժողով՝ ««ԳԱԶԱ-ԻՍՐԱՅԵԼ ԸՆԹԱՑՈՂ ՊԱՏԵՐԱԶՄԸ ԵՎ ԴՐԱ ԱԶԴԵՑՈՒԹՅՈՒՆԸ ՏԱՐԱԾԱՇՐՋԱՆԱՅԻՆ ԶԱՐԳԱՑՈՒՄՆԵՐԻ ՎՐԱ» թեմայով:
2023 թ. հոկտեմբերից ընթացող Գազա-Իսրայել հակամարտությունը զգալի ազդեցություն ունեցավ տարածաշրջանային զարգացումների վրա: Անկայունության աճն ու հակամարտությունների սրումն իրենց հետևանքներն են ունենում ինչպես Հայաստանի Հանրապետության անվտանգային միջավայրի, այնպես էլ Մերձավոր Արևելքի տարբեր երկրներում հայ համայնքների պահպանման և դրանց բնականոն գործունեության ապահովման վրա: Վերոնշյալ հիմնախնդիրների քննարկումը, միջազգային աշխատաժողովի ձևաչափով, ունի գիտակիրառական արդիականություն և կարևոր նշանակություն:
Քննարկմանը զեկուցմամբ հանդես կգան Բեյրութի Հայկազյան համալսարանի նախագահ Վեր. դր. Փոլ Հայդոստյանը և ՀՀ ԳԱԱ Արևելագիտության ինստիտուտի արաբական երկրների բաժնի մի շարք առաջատար հետազոտողներ:
Աշխատաժողովին ողջույնի խոսքով հանդես կգան ՀՀ ԳԱԱ Հայագիտության և հումանիտար բաժանմունքի ակադեմիկոս-քարտուղար Յուրի Սուվարյանը և Արևելագիտության ինստիտուտի տնօրենի ժամանակավոր պաշտոնակատար Գոռ Մարգարյանը: Քննարկմանը կմասնակցեն առաջատար հետազոտողներ ՀՀ ԳԱԱ Արևելագիտության ինստիտուտից, Երևանի պետական համալսարանից, Հայ-ռուսական համալսարանից, Բրուսովի անվան պետական համալսարանից և այլն:
Աշխատաժողովի ծրագիրը կցվում է:
Հասցե՝ Մարշալ Բաղրամյան 24, ՀՀ ԳԱԱ նախագահության նիստերի կլոր դահլիճ:
Աշխատանքային լեզուն՝ հայերեն:
